Forsiða / Ferðir / Framhald jóla í Moskvu

Framhald jóla í Moskvu
2. - 8. janúar 2022
7 dagar
219 400 kr.

RU01

Komið með á hátíðina í Moskvu og framlengið jólin!

 

Við bjóðum framhald hátíðanna en Aðfangadagskvöld og jólanótt hjá Rússum eru þann 6. janúar - á okkar Þrettánda; jóladagur er 7. janúar. Mikil vetrarhátíð er í Moskvuborg og ævintýraljómi svífur yfir vötnum, skemmtiatriði eru á strætum og torgum og ylmur jólaglöggs í lofti - sannkallað vetrarævintýri sem kallast „Jólaferðalagið“, skipulagt af borgarstjórn. Stór jólamarkaður verður á sjálfu Rauða torginu og ys og þys er á skautasvellinu þar. Möguleiki á meiriháttar innkaupum, hægt er að fara á ballet, tónleika og óperu, auk þess sem stórbrotinni menningu og sögu Rússaveldis verða gerð góð skil. Við skoðum Kreml, þaðan sem stærsta ríki veraldar er stýrt; skoðum hina stórfenglegu borg, fögnum hátíðinni í mat og drykk og margt fleira í fallegu vetrarveðri.

 

 

Einstakt verð, fyrir allt sem innifalið er!

1/10

Dagur 1    2. janúar                                             

Flug frá Keflavík, mæting í Leifsstöð a.m.k. tveimur klst. fyrir brottför, lent í Moskvu síðdegis að staðartíma (ísl. tími + 3 klst). Fararstjóri, tekur á móti hópnum við útgönguhlið úr tolli með spjaldi BJARMALAND; rútuferð á hótel  4*.   

Dagur 2    3. janúar

Farið innan Kremlarmúra, þar eru glæsilegar hallir og kirkjubyggingar, enda er stærsta landi veraldar er stýrt héðan. Við  skoðum jólabasar í miðborginni en þar er lífleg verslun og viðskipti í sannkallaðri fjölskylduhátíð með einstakri stemmningu, þangað sem gestir koma frá öllum heimshornum. Hægt að skoða metrókerfi Moskvuborgar og hinar einstöku neðanjarðarlestarstöðvar, þar sem listaverk eru í hólf og gólf – öflugasta mannflutningakerfi fyrr og síðar. Stefnt að því að hópurinn borði saman kvöldmat á fínum veitingastað. Hægt að komast í Moskvusirkusinn þar sem loftfimleikamenn, akróbatar, trúðar og ýmis dýr skemmta börnum og fullorðnum. 

Dagur 3   4. janúar

Skoðunarferð um Moskvuborg, helstu kennileiti m.a. Tverskaja-stræti og Leningradsky-breiðgata, sem mynda miðbik borgarinnar. Farið að Rauðatorginu. Frjáls tími til að skoða á eigin spýtur áhugaverða staði þar, m.a. hina sögufrægu GUM-verslunarmiðstöð (auk verslana eru þar margir matarstaðir), kirkju heilags Vasílys (St. Basil´s frá 1561) sem þekkt er fyrir einstæðan arkitektúr, grafhýsi Leníns (utanfrá) o.fl.; síðan sameinast og gengið að Alexandrovsky-garði við Kremlarmúra þar sem er gröf Óþekkta hermannsins og heiðusrvörður hefur vaktaskipti á klukkustundarfresti. Aðfangadagur - síðasti dagur áður en jólin ganga í garð. Farið í höfuðkirkju Moskvu, hina endurbyggðu Kristskirkju (var rifin 1931, ætlunin var að byggja þar Höll Sovétanna, en í grunninum var lengi útisundlaug). Þessi mikla kirkja skoðuð og glæsileiki Rétttrúnarðarkirkjunnar. Útsýnispallur við Moskvuháskóla á Spörfuglahæðum (áður Lenínhæðir), þaðan er mjög gott útsýni yfir borgina, m.a. Olympíuleikvanginn, Luzhniki; farið að hinu  sögufræga Novodevitsy-klaustri, merkur arkitektúr frá 16. öld, við Moskvuá, gengið um kirkjugarðinn þar með heiðursgrafreitum og tilkomumiklum minnismerkjum um ýms frægustu skáld, listamenn, stjórnmálamenn og hershöfðingja þjóðarinnar. Arbat göngugatan þekkta þar sem jólabasar er í fullum gangi og margt til skemmtunnar fyrir gesti og gangandi. 

Dagur 4     5. janúar

Frjáls tími f.h. til að rölta um Kremlarvirkið við hótelið og minjagripakaupa. Skoðunarferð, farið í hinn einstaka VDNH skemmtigarð með gullmyndastyttum sem gerður var í sósíal-realistískum stíl í „den tid" nafnið merkir „sýning á efnahagsárangri Sovétríkjanna“. Garðurinn hefur nú verið endurreistur í upprunarlegri mynd og hér eitt stærsta skautasvell heims (skautaleiga á staðnum!). Möguleiki á Tretjakov-listasafninu víðfræga þar sem er úrval íkona og annarra frábærra málverka og höggmynda rússneskra listamanna frá fyrri öldum og fram til nútímans eða hið fræga Bolshoi leikhúsús. 

Dagur 5     6. janúar

Á miðnætti ganga jólin í garð og tilkomumikið kristnihald Orþodox kirkjunnar.

Dagur 6     7. janúar

Jóladagur. 

Dagur 5    8. janúar 

Ferðalok, brottför. Farið út á flugvöll og flug áleiðis til Keflavíkur á Íslandi.

VERÐ Á FERÐALANG:

Tvíbýli: 219 400 kr
Einbýli: 267 700 kr

Ath! Vegabréfsáritun þarf til Rússlands, veitum við nánari uppl. og aðstoð um það

Innifalið í verði:

  • Flug og flugvallarskattar 

  • Gisting m/morgunverði samkv. dagskrá

  • Skoðunarferðir í dagskrá

  • Inngangur á söfn Kremlar 

  • Rútuakstur 

  • Leiðsögn og íslensk fararstjórn.

Ekki innifalið í verði:

  • Allur aukakostnaður á hótelum, áfengir drykkir, mínibar oþh. 

  • Vegabréfsáritun til Rússlands (fæst í sendiráði þeirra í Reykjavík)


Réttur áskilinn til að flytja dagskráratriði milli daga, ef henta þykir.